Latest News

Afrikaanse SkryfGoed steeds ʼn gunsteling!

"Ek wil regtig nie meer aan ’n Afrikaanse teks werk sonder my SkryfGoed nie."

So skryf Tom McLachlan, voorsitter van die Afrikaanse Taalkommissie. Tom is, nes vele Suid-Afrikaanse skrywers, akademici en sakelui, ʼn getroue gebruiker van CTexT1 (NWU-Pukke) se immergewilde Afrikaanse SkryfGoed. Hy sal daarom bly wees dat Afrikaanse SkryfGoed 5 pas die lig gesien het en nou volledig met Microsoft® Office 2016 en Windows 10 versoenbaar is.

Afrikaanse SkryfGoed 5 is ʼn versameling van vier skryfhulpmiddels vir Microsoft Office en sluit in:

Een van die redes waarom Tom nie sonder Afrikaanse SkryfGoed wil werk nie, is omdat die Grammatikatoetser hom “…meermale help om glipse wat hy weens skryfhaas maak, betyds raak te sien”. Die Woordafbreker breek woorde op die regte plekke af na ʼn volgende reël.

Volgens prof Franci Greyling (skrywer en dosent in Skryfkuns) is die Afrikaanse Speltoetser ʼn nuttige manier om spel- en tikfoute vinnig raak te sien. Sy gebruik verder graag die Afrikaanse Tesourus om alternatiewe vir geykte woorde in haar skryfwerk te soek.

Die Grammatikatoetser en Tesourus is enig in hul soort in Afrikaans vir Microsoft Office, en die Speltoetser is die enigste sogenaamde tweedegenerasiespeltoetser wat tans vir Afrikaans bestaan. Dit beteken dat die nuutste tegnologie en gevorderde prosessering gebruik word om beter resultate te lewer. Dit word gereeld bygewerk om by die nuutste spelreëls en ontwikkelinge in Afrikaans aan te pas.

“Ek is een van die getroue volgelinge en ondersteuners van Afrikaanse SkryfGoed. Ek kan my amper nie ʼn tyd indink dat ek daarsonder moes klaarkom nie! Ek gebruik alle funksies. Die Speltoetser is veral besonder waardevol omdat dit gou my tikfoute uitwys,” skryf prof Wannie Carstens, voorsitter van die SA Akademie vir Wetenskap en Kuns.

Die spiksplinternuwe Afrikaanse SkryfGoed 5 is nou op www.spel.co.za beskikbaar, of kontak verkope@spel.co.za. BlueTek (018 297 0164) kan met enige navrae, bestellings of tegniese ondersteuning help.

 

Die Sentrum vir Tekstegnologie (CTexT®) is ʼn navorsing- en ontwikkelingsentrum op die Potchefstroomkampus van die Noordwes-Universiteit.

 

Produkspesifikasies

Titel: Afrikaanse SkryfGoed 5

Uitgewer: Sentrum vir Tekstegnologie (CTexT®), Noordwes-Universiteit (Potchefstroomkampus)

Kategorieë: Opvoedkundig/Naslaan

Verspreider: BlueTek
+27 18 297 0164
www.spel.co.za

Strepieskode: 6009704961635

RRP:  R329.99 (BTW ingesluit)

Minimum sisteemvereistes

ʼn Volledig operasionele rekenaar (“PC”) met:
Microsoft® Office 2007, Microsoft® Office 2010, Microsoft® Office 2013 of Microsoft® Office 2016; en
Windows® Vista, Windows® 7, Windows® 8 of Windows® 10